相信大家有聽過有個國家會捕殺鯨魚，然後將成片海染成紅色，呢個國家就係法羅群島。上星期五一早起身就睇到當地新聞話當日朝早獵殺左50條鯨魚，即刻趕去海邊，已經被清理得乾乾淨淨。當地人話佢地已經將鯨魚搬到另一個地方，準備將佢地劏成一份份分畀當地居民。人人有份，永不落空。當日的收音機或者新聞都會話畀全世界知當日捉到鯨魚，想分返份的人就可以去登記，劏好就會通知大家去攞。而有份獵殺的人會得到大份d的鯨魚。當我去到的時候見到50條被殺的鯨魚就係我面前畀無數的海鷗食緊😢記得上年聖誕節黎法羅群島的時候，主人家攞左碟風乾左黑媽媽的鯨魚肉出黎招待我，旁邊係一碟鯨脂。我唔好意思拒絕於時淺嚐左一下。腥到不得了，嗰陣味久久未散，食埋香口膠都無用。求求大家都係放過自己放過佢地，等佢地喺大海游呀游啦。